Merkezê Xeberan - Dezgehê mîyanneteweyî yê bi nameyê Watch The Med Alarm Phone twîtterî ser ra beyanatêk da.
Beyanat de vajîya ke, keştîya ke hîrê rojîyo ke dengizê sipî de bîye serê sibayê dişemeyî qelibîya.
Beyanat de ame vatiş: ''Goreyê zanayîşan 22 kesî xeniqîyayî û înan ra 2 tenî doman ê.''
Goreyê vatişanê şahîdan hêverî Hêzê Dengizî yê Fasî ra keştîyêka masêgeran hetkarîya koçberan kerda.
Rêxistina komelê sivîlî yê bi nameyê Camînando Fronteras têkilîya înan a bi koçberan esta ke nê koçberî wazenê xo biresnê Spanya. Aktîvîsta rêxistine Helena Maleno twitter de vat: ''Ma seba trajedîyêke biqesawet bîyî û ameye meydan: Rayîrê Kanarya de 122 kesî merdî.''
Yewînanê asayîşê qeraxî yê Spanya gêrenê hîrê keştîyanê bînan ke Fasî ra kewtî rayîr û vînbîyaye yê.
Menga vîyarte de 708 koçberan xo resna Girawanê Kanarya.