Bakurê Kurdistanî û Tirkîya ra xeylî kesî seba ke boya xo vera bidî yenê Dêrsim û kewenê awa Munzurî mîyan.
Dêrsim mîyanê bajaranê Bakurê Kurdistanî de bi tebîatê xo bala her kesî anceno û her hamnan hezaran kesî yenê Dêrsîm. Dêrsîm de tewr zêde Çemê Munzurî ziyaret beno.
Xeylê şaristananê Bakurê Kurdistanî ê sey Amed, Batman, Mêrdîn, Muş û Riha û cayanê cîya bi cîyayan ra her serre hezaran tenî Çemê Munzurî ziyaret kenî. Dorûverê çemî de çadirî yenê ronayîş kesê ke yenê qasê çend rojan kişta çemî de manenê.
Kesê ke yenê Dêrsim ci ra zaf keyfweş benê û soz danê ke ê do serrena zî bêrê Dêrsîm.
Heto bîn ra kesê ke her serre Dêrsim ziyaret kenî zêde bena.
Serra 2017î de 82 hezar, serra 2018î de 100 hezar û serra 2019î de zî 128 hezar tenî ameyê Dêrsim.