Merkezê Xeberan - Ewro Dîyarbekir de û 30 bajaranê Tirkîya û Bakûrê Kurdistanî de semedê tedbîrê vera virusê Korona qedexeyê tebervejyayîşî amo îlankerdiş. No qedexe do 4 rojî dewam biko.
Dîyarbekir de semedê tedbîrê virusê Korona seba 4 rojan qedexeyê tebervejyayîşî amo îlankerdiş. La qeyûmê Dîyarbekirî nê firsendî ra her ca de bayraqî aliqnayî.
Ewro qezaya Sûrî û çend cayanê binan de dikanê ke qefilnayî yê, derbeyanê înan ser o hetê ekîbanê qayûmî ra bayraqê tirkan amê aliqnayîş.
Esnafî ke dikanê înan ê cadeyan ser o estê, hêrsê xo nişan day û vanê: Xebera ma çin a. Qeyûm zorî keno. Milet derdê ganê xo de ya, qeyûm derdê şoventî de yo.
Heto bîn ra beledîyeyê Dîyarbekirî zî merdimanê xo û endamanê AK Partî rê ardiman vila kenî.
Heto bîn ra ekîbê qeyûmî ewro çend cayanê Dîyarbekirî de gedeyan rê bayraqî vila kerdî