Fermandarê sipaha Quds Qasim Silêmanî îro 26.07.2018ê ragehand, hêza wî li hember şer û pevçûna li gel Amerîkayê amade ye.
Qasim Silêmanî peyamek bo serokê Amerîkayê Donald Trump rêkir û ragehand, tenê spaha Quds dikare li hember Amerîkayê raweste û pêwîstî bi hemû artêşa Îranê nake û got: ‘’Hesaba we li gel min û hêza min e, ne hemû artêşa Îranê.’’
Silêmanî pêşbînî kir, gefên Donald Trump dibe heta lêdana Îranê jî biçe, lê ‘’Ez dê bersiva wan bidim û ez wekî ku hun pêşbînî dikin zêdetir li we nêzîk im.’’
Silêmanî serokê Amerîkayê hişyar kir û ragehand, Deryaya Sor êdî bo leşkerên Amerîkayê ne aram e û spaha Quds dê rikberiya we bike li Deryaya Sor.’’
Qasim Silêmanî twitên Donald Trump ên derbarê Îranê de wek ‘’Wêjeya dîsko û leşfiroşiyê’’ pênase kir û got, di rastiya waqiî de Amerîkayê daxwaz ji min kir şerê Amerîkayê li Iraqê rawestînim.