Bajarê Wanî de vizêr şan qamyona ke tede koçberî barkerde bî qelibîya û hedîse de 5 koçberan canê xo da.
Bajarê Wanî de vizêr şan qamyona ke tede koçberî barkerde bî qelibîya û hedîse de 5 koçberan canê xo da. Goro ke zanîya hedîse qezaya Wanî Ercîş de qewimîya. Qamyona ke tede 37 koçberî estbî kontrol ra vejîya û qelibya.
Qeza de 5 koçberî merdî zafê xo zî birîndar ê. Qeza ra dima xeylê ambulansî neqlê cayê hedîse bîyî. Birîndarî û tirmê 5 koçberan bi ambulansan wedarîyay Nêweşxaneyê Dewlete yê Wanî. Qaso ke vajîya şoforê qamyone hekîmîyetê dîreksîyone vindî kerdo û qamyone qelibyaya. Derheqê qeza de zî tehqîqat dîya dest pêkerdene.