Rêber û endamê Partîya Welatparêzanê Kurdistanî (PWK) Dîyarbekir de seba dersanê Kurdkî yê Weçînayeyî broşurî vila kerdî.
Bruşurî hem zazakî hem kurmanckî ameyê hadrekerdiş û vilakerdiş.
Tirkîya û Vakurê Kurdistanî de qeydê dersanê kurmanckî û zazakî 3ê Sibate de dest pêkerd û do hetanî 17ê Sibate dewam biko.
Seba weçînayîşê dersanê kurmanckî û zazakî yê sinifanê 5-6-7 û 8. xebatê partî, komele, sazî û rêxistinanê sîvîlan yê kurdan dewam kenê.
Rêber û endamê PWKyî vizêr cadde û meydananê qelebaliyan yê Dîyarbekirî de seba ke şar dersê kurdkî yê weçînayeyî ra xeberdar bikerê, broşurî vila kerdî.
Endam û rêberê PWKyî derheqê dersanê weçînayeyan de agahdarî da şarî û veng da keyeyanê kurdan ke hetanî 17ê Sibate 2025î seba domanê xo dersê kurdkî weçînê.
Heto bîn ra nê broşuran de ameyo vatiş ke ganî Tirkîya perwerdeyê bi ziwanê kurdkî û resmîbîyayîşê ziwanê kurdkî qebul biko.
Endam û rêberê PWKyî dîyar kerd ke nê xebatê înan do dewam bikerê.