Ewro serrgera hêrîşê DAIŞî ya desine ya kov û terorîst a vera Şingalî ser o û derdorê ci û komkiştişê Kurdanê Êzidî ke hetê na rêxistine ra ame kerdiş a.
Roja 3ê Tebaxa 2014î de, terorîstanê rêxistina DAIŞî eştbî Şingal ser û hezaran welatiyê sivîlî ê Kurdê Êzidî kiştbî. Terorîstan hezaran kêna, cinî û domanê Êzidî zî êsîr girewtbî.
Rîyê nê hêrişî ra seyan hezar şarê ma yo Êzidî mecbûr mend ke ca û wareyê xo caverdo û koç biko.
Birîna jenosîdê Şingalî yo ke waye û birayanê ma yê Kurdanê Êzidîyan rê virazîya akerde, birînêka xorîn û zerrîya heme Kurd û Kurdistanîyan de ya.
Heta nika zî xeylê kêna û cinîyê Kurdê Êzidî destê DAIŞî de yê û vindîbîyayî yê.
Heta nika zî gelek şarê ma yo ke mecbûr mendo Şingal terk biko, peyser anêgêrayo erdê xo ser.
Parlamento û Hukmatê Herêma Kurdistanî gere seba piştişê birîna waye û birayanê ma yê Kurdanê Êzidîyan programêko taybet hadre biko û bîyaro ca.
Ma bangî Netewê Yewbîyayî rê kerdo û waşto wa jenosîdê Kurdanê Êzidîyan bi fermî hetê Netewê yewbîyayî ra bêro ro qebûlkerdiş.
Ma sergêra jenosîdê Şingalî yê desîne de reyna jenosîdo ke Kurdanê Êzidîyan rê virazîyabi şermezar kenê û ma heme şehîdanê nê jenosîdî bi hurmet yad kenê.
03.08.2024
Buroya Çapemenî ya Partîya Welatparêzanê Kurdîstanî (PWK)