Buroya Çapemenî ya Partîya Welatparêzanê Kurdîstanî (PWK):
Ma Roşanê Çarşemeyê Sûrî yê way û birayanê xo yê Kurdanê Êzdîyan Pîroz kenê
Roşanê Çarşemeyo Sûr mîyanê roşananê Kurdanê Êzdîyan de roşano tewr pîl o.
Kurdanê Êzdî tira bawer kenê ke gorê serrnameyê verênî, çarşemeyo yewin yê aşma nîsane de virazîyayîşê kaînatî temam bîyo û cuyayîş dest pêkerdo. Coka zî na roje sey Roşanê Çarşemeyê Sûrî, sey Roşanê Sersalî pîroz kenê.
Dînê Êzdîtî Kurdistan de dînanê kehenan ra yewêk o. Roşanê Çarşemeyê Sûrî yê Kurdanê Êzdîyan wayîrê taybetmendiyêka dînî, kulturî, komelkî û tarîxî yo.
Mîyanê tarîxî de way û birayê ma yê Kurdanê Êzdî rîyê nasnameyê xo yê dînî û neteweyî ra raştê zaf qetlîam û hêrîş û çînebîyayîşan ameyê, la înan çi rey fek ziwanê Kurdî, fek nasnameya xo ya dînî, kulturî û Kurdewarî ra veranêda.
Roşanê Çarşemeyê Sûrî yê Kurdanê Êzdîyan de ma venga heme Kurdanê Kurdistanîyên û dinya danê ke wa vera zulm û neheqî û hêrîşanê ser Kurdanê Êzdîyan vinderê û rayîr nêdê ke wa tu kes û hetêk înan rê neheqî biko.
Ma na bawerîye de yê ke Parlamento, Serekî, Hukmat û Hêzê Pêşmergeyan yê
Herêma Kurdistanî semedê pêştişê birînanê way û birayanê ma yê Kurdanê Êzidîyan do qeraranê teybetan bigîrê. Heto bîn ra do binê hukmat û serwerîya Rayberîya Herêma Kurdistanî de heme erc û heqê dînî, kultirî û xo îdare kerdişê herêmî yê Kurdanê Êzdî bêrê pawitiş (seveknayîş), badê zî heqê înan bigîrîyê bînê garantî.
Ma bi hîs û vîr û bawerî û hişmendîya xo ya neteweyî û niştimanî Roşanê Çarşemê Sûrî , Roşanê Sersalî yê way û birayanê xo yê Kurdanê Êzdîyan pîroz kenê.
16.04.2025
Buroya Çapemenî ya Partîya Welatparêzanê Kurdîstanî (PWK)