Sekreterê Pêroyî yê PDK-Îranî Dr. Sadiq Şerefkendî, 17ê aşma êlule ya serra 1992 de, şaristanê Almanya Berlînî, pîya bi endamê Komîteya Merkezî û temsilkarê teberê welatî yê PDK-Îranî Fetah Ebdulî, Temsilkarê PDK-Îranî yê Almanya Homayûn Erdelan û dostê PDK-Îranî Nûrî Dêhkurdî, bi emrê Dewleta Îranî, hetê casusanê Dewleta Îranî ra ameyî qetil kerdene.
Ma Dewleta Îranî reyna zî seba nê qetlîamî şermezar kenê.
Dewleta Îranî bi îdam kerdişê pêşewa Qazî Mihemed û embazanê ey zî, bi qetil kerdişê Dr. Abdûrrahman Qasimlo û embazanê ey zî, bi qetil kerdişê Dr. Sadiq Şerfekendî û embazanê ey zî nêeşka verê doza azadîya şarê ma yê Rojhilatê Kurdistanî bigîro.
A ala ke îlan kerdişê Komara Mehabadî de, Meydanê Çarçirayî de berz bîyêne, ewro Rojhilatê Kurdistanî de û her parçeyê Kurdistanî de bi destê xebatkar, emegdar û têkoşeranê doza azadîya kurdistanî berz bena.
32mîn serserra şehadeta înan de, ma Dr. Sadiq Şerefkendî û embazanê ey bi hurmet yad kenê.
17.09.2024
Buroya Çapemenî ya Partîya Welatparêzanê Kurdîstanî (PWK)