Merkezê Xeberan
“Nê rojê ke coronavîrus weşîya heme şarî tehdît keno de zî, neheqî, zulm, binpaykerdişê îradeyê weçînayoxan, hepiskerdişê merdiman dewam kenê.
Hukmatê AK partî, qeyûm tayînê 5 şaredarîyanê HDPyî û tayn hemserekanê şaredarîyan kerd.
Tayîn kerdişê qeyûman, binpaykerdişê îradeyê weçînayoxanê HDPyî yo û hetêk ra zî sîyasetê resmî yê Dewleta Tirkîya yo ke bingehê dijmenetîya Kurdan ser o ameyo ronayene yo.
Tayîn kerdişê qeyûman naye nîşan dano ke, Hukmatê AK Partî wazeno semedoke sîstemê yewkesî û dîkatatorî xurtêr biko, wazeno na rewşa xirabe ya ke coronavîrusî ra peyda bîya ra feyde bigîro.
La gereke Hukmatê AK Partî zî bizano ke, tu kes bi zulm û zordarî sernêkewto, muaviq nêbîyo.
PSK û PAK nê sîyasetê Hukmatê AK Partî yo tayînkerdişê qeyûman protesto kenê û venga Hukmatê AK Partî danê ke wa nê sîyasetî xo peynî biko.
PSK û PAK venga heme het, dezge û hêzanê welatperweran, aştîwaşt, şorişger û demokrat, venga heme dezgehê sivîlan danê ke wa vera tayîn kerdişê qeyûman, vera heme kerdenanê antî demokratîk vengê xo berz bikê.
PAK û PSK venga raya pêroyî ya mîyannetewî, dezge û hêzê humanîst û demokratîk danê ke, bi semedê nê sîyasetê Dewleta Tirkîya yo antî demokratîk giranîya xo ronê.”
23.03.2020
PSK(Partîya Sosyalîst a Kurdistanî)
PAK(Partîya Azadîya Kurdistanî)