Wexto ke bînaya Kongre hetê terefgîranê Trumpî ra amey îşxalkerdene dima ra semedo ke wa Trump wezîra bêro girewtene proses dest pêkerd.
Donald Trump weçînayîşê serekîye yê 3ê teşrîna peyêne de vinî kerdbi. La Trumpî no qebul nêkerd û venga terefgîranê xo da. Terefgîranê Trumpî vizêr bînaya Kongre îşxal kerde.
Xeylê weçinîtoxan vizêr şan (çarşeme) venga Hetkarê Serekî Mike Penceyî da ke wa madeya 25. ya Qanûnê Bingeyî bivisno dewre. Na made rayîr dana ke serek cade wezîfe ra bêro girewtene.
Kanalanê CNN, CBS û ABCyî pare kerd ke endamê hukmatî seba ke Trump wezîfe ra bigêrê nîqaş kenê. La heta nika Penceyî rê pêşnîyazêko fermî nêame kerdene.
Heta nika rojname û şîrketî zî tede xeylêk kes û dezgehan venga Penceyî da ke bi madeya 25. Trump wa wezîfe ra bêro girewtene.