Li Başûrê Kuridstanê proseya propagandaya referandûmê ji bo serrxwebûnê dest pê kir û dê 18 rojan berdewam bike.
Li gorî dema ku ji aliyê Komîsyona Bilind a Serbixwe ya Hilbijartin û Rapirsiyan a Herêma Kuridstanê ve hatiye destnîşankirin, îro 05-09-2017, proseya bangaşe anku propagandaya ji bo referandûma serxwebûna Başûrê Kurdistanê dest pê kir.
Ev prose dê heta 22ê îlona 2017ê, yanî 18 rojan berdewam bike.
Ji îro û pêve, dê partî û aliyên siyasî û herwiha hemwelatî bikarin ji bo giştpirsiyê propagandayan bikin. Heta niha 9 qeware û rêxistinan ji bo çavdêrîkirina proseyê navên xwe tomar kirin.
Li gorî amarên Komîsyona Bilind a Serbixwe ya Hilbijartinan, nêzîkî 5 milyon û 500 hezar kes xwedan mafê dendanê ne. Ji bo dengdanê jî li seranserê Başûrê Kurdistanê 46 hezar sindoq hatine amadekirin.