Merkezê Xeberan - Wezîrê Teberî yê Amerîka Mike Pompeoyî ra îdîayêka balkêşe. Pompeo vano, dewleta Rûsya Idlîb de xeylî eskerê Tirkîya kiştî.
Seke yeno zanayî qasê 70 eskerê Tirkîya Idlîb de ameybî kiştiş. Serekwezîrê Tirkîya Recep Tayîp Erdogan dima ra şibi Rûsya û Serekdewletê Rûsya Putîn reyde pê amebi.
Mike Pompeo, Wezîrîya Karanê Teberî de kombîyayîşê çapemenî de qisey kerd.
Pompeoyî va, ma meseleya Idlîbî de kişta Tirkîya de ca gênê û wina va: Zanîyeno ke Rûsya û Îran desteg danê rejîmê Sûrîye û hêrişê înan yê Idlîbî de qasê milyonêk merdimî mecbur mendî ke cayê xo ra koç bikerê. Ma çareserî wazenê Sûrîye de .
Wezîrê Teberî yê Amerîka Mike Pompeo vano, Rûsya Idlîb de xeylî eskerê Tirkîya kiştî. Tirkîya şîrîkê ma ya û endama NATOyî ya. Aye ra ma kişta Tirkîya de ca gênê.