Merkezê Xeberan - Wezîrê Karanê Teberî yê Amerîka Mike Pompeo vano, Gere Teşkîlatê Weşîye yê Dinya (WHO) sîstemê xo de vurnayîşanê pîlan biko.
Pompeoyî aşkere kerd ke, eke WHO xo nêbedilno, beno ke Amerîka do bin ra nê teşkîlatî rê ardimanê xo bibirno.
Serekê Amerîka Donald Trumpî hewteyo verîn semedê WHOyî vatbi, WHO hetkarîya Çînî keno û nê teşkîlatî rê ardimê Amerîka vindarnabî.
Pompeo zî semedê WHOyî vano: Beno ke Amerîka do bin ra nê teşkîlatî rê ardimanê xo bibirno.
WHO îdiayanê Amerîka red keno û Çîn zî vano, ma meseleya vîrusê korona de çîyêk dinya rê nêtemernayo.
Amerîka serra 2019î de qasê 400 mîlyon dolar desteg dabî WHO û no ardim se ra 15 budçeya rêxistinî yo.