Di civîna îro de, Cîgirê Serokê PDKê, Nêçîrvan Barzanî serokatiya şanda PDKê û Cîgirê Sekreterê Giştî yê YNKê, Kosret Resûl Elî serokatiya şanda YNKê kir.
Di nava wan partiyên siyasî de ku li parlamentoya Kurdistanê xwedî kursî ne, tenê Yekgirtûya Îslamiya Kurdistanê û Nivşê Nû biryar dane, ku beşdarî di hikûmetê de nekin, aliyên din li benda PDKê ne, jibo ku danûstandinên gotûbêjên pêknîna hikûmetê dest pê dike.
Li gor xişteya ku şanda PDKê ya danûstandikar daniye, PDK dixwaze berî dawiya îsal (2018) Desteya Serokatiya Parlamentoyê were hilbijartin û piştî betlaneya sersalê jî civînên di derbarê hûrgiliyên pêkanîna hikûmeta nû de bêne destpêkirin.