Polîs bi namê K.B. ke Amed de ciwan Recep Hantaş kiştbi erzîyabi hepisxane la hetê mehkema ra serbest ame veradayîş.
Roja 14’ê Nîsane de qezaya Amedî Yenîşehîr, Sumerparke de polîsan ciwan Recep Hantaş (20) kiştbi. Çarçeweya tehqîqatê kişyayîşê Hantaşî de polîs bi namê K.B. sûcê “Biqisûr û zanayîş merdim kişto ” ra amebi tepiştiş. Vejîya orte ke o polis serbest amo veradayîş.
40 ROJAN RA PEY AME VERADAYÎŞ
Avukatê polîsê sûcdaî, Mustafa Demîr mehkema rê muracat kerd û tewqîfbîyayîşê muwekîlê xo rê îtîraz kerd. 5’ine Dadgeha Cezaya Giran a Amedî îtîrazê avukatî qebûl kerd û 24’ê gulane de qerarê serbest veradayîşê ey da. Polîso sucdar K.B. 40 rojan ra pey serbest ame veradayîş.