27ê kanûne de wendekarê muhendîsîya înşaatî Cîhan Can hetê wesayîtê zirxînî ra amebi pelçiqnayene û wefat kerdbi. Hedîse ra dima şoforê wesayîtê zirxînî H.A.yî îfadeyê xo de vat: "Mi va qey seba ke wesayît kolîyan ser o şino coka lerzîyeno.'' Avûkatê keyeyê Canî Fuat Coşocakî va: Îfadeyê sucdarî hetê emnîyet û polîsan ra ame hadrekerdiş.
H.A. îfadeyê xo ra dima sewqê Dozgerîya Cezaya Sulhî bi û bi şertê kontrolê edlîyî ame veradayîş. Avûkatê keyeyê Canî Fuat Coşoacakî derheqê qirarê mehkema de qisey kerd û va: "Îfadeyê H.A.yî wina ame amadekerdene ke eşkera yo ke o hem hetê polîsan ra hem zî hetê asayîşî ra yeno pawitiş. Seba ke sucdar H.A. bêro xelisnayene îfade bi no qayde ame hadrekerdiş. Ma qirarê veradayîşê sucdarî red kenê. Na bêhuqûqî ya.''