Polîsan eşt bînaya HDP ya Mûşî ser. Hemserekê partî yê bajarî zî seretşişê keyeyanê de amey tepiştiş.
Mûş de polîsan eşt bînaya HDP û keyeyanê îdarekaranê partîye ser û hemserekê partîye Ferhat Çaki û Mûhlîse Karaguzele tepiştî.
Mûş de ewro saetanê serê sibayî de polîsan eşt bînaya Partîya Şaran a Demokratîke (HDP) û keyeyanê îdarekaranê parîye ser. Sereştişan de hemserekê partîye Ferhat Çaki û Mûhlîse Karaguzele û Kubettîn Çelîk ameyî destbendkerdene. Polîsan dimayê serûbinkeridşê keyeyan eşt bînaya partîye ser.
Parlamenterê HDP’yî yê Mûşî Mensûr Işikî vera sereştişî reaksîyon da û va: ‘’ Bi nê tewirî bi serano ke vera partîya ma ya ke sîyeseto demokratîk kena yeno waştene ke ma peyser game bierzê. Îqtîdarê AKP-MHP’yî yo ke her roje zehîf beno seba ke şar wayîrê partîya ma vejîyeno, hêriş keno. Demo peyên de hêriş û zextê vera partîya ma zêdîyayê. Xeylî embazê ma ameyî destbenkerdene û tepiştene. Wa no hol bêro zanayene ke ma do çirey peyser game meerzê. Ma do semedê înşakerdişê haştîye mucadeleyê sîyasetê demokratîkî gird bikerê.’’