Ji Federasyona Kurdên Sovyeta Berê re:
Em Konferansa we ya 17ê îlonê bi kêfxweşî haydar bûn. Em dizanin nuha we bi çi hesta vê konferansê pêk aniye. Di konferansê de cihê Prof. Nadir Nadirov, Prof. Kinyazê Îbrahîm û Dr. Yura Nabîyev ne ku li we tenê, em kurdên ji we bi hezaran kîlometre dûr, li me jî xuya ye.
Têkoşîna netewa me ya ji bo azadî, serwerî û jiyanek bi rûmet berdewam e. Ev konferansa we, bawer bin herî pirr dilê her sê mezinên me Prof. Nadir Nadirov, Prof. Kinyazê Îbrahîm û Dr. Yura Nabîyev şad kiriye.
Em komîteya we ya nuh û birêzên nuh hilbijartî pîroz dikin. Di kar û barên we de serkeftinê dixwazin. Em Piştgirên Partîya Azadîya Kurdistanê li Ewropa we hertim wek xwişk û birayên xwe dihesibînin.
Seval Mert
Seroka PAK-Ewropa
(Piştgirên Partîya Azadîya Kurdistanê li Ewropa)