Qezaya Pirsûsî ya Riha de seba ke saetê ceyranî dîrgan ser o ameyî cakerdene şarî nêrazîbîyayîş mojna, polîsan hêriş kerd di kesî destbend kerdî. Amed de zî DEDAŞî hezar keyeyan rê ceza birnaye.
Şîrketa Vilakerdişê Ceyranî ya Dîcle (DEDAŞ) qezaya Pirsûsî ya Riha de saetê ceyranî keyeyan ra kiriştî serê dîregan.
DEDAŞî saetanê serê sibayî taxa Barişi de dest pê xebate kerd. Şarê taxe nêrazîbîyayîş mojna, ekîbanê DADAŞî venga polîsan da. Polîsê ke pê TOMA û wesayîtanê zirxinan ameyî hêrişê şarî kerd. Çar kesî pê gazê îsotî birîndar bîyî û di kesî ameyî destbendkerdene.
Hetê bînî ra DEDAşî qezaya Hezroyî ya Amedî de binê kontrolê cendirmeyan de Taxanê Reşik, Gomê Indarê Dersil, Kekan, Gomé Demirbeg , Dedaş, Gomê Emo, Gomê Emrexê, Gomanê Şêx Sabê, Dercal, Kufercin, Baheşîm ,Zuxur, Bahişmê, Barbuş, Qubik û Gamê Heci Derviş de nizdê hezar keyeyan rê bi îdîaya ceyranê qeçexî cezaya pereyî ya mabênê 7 û 25 hezarî birnaye.