Serok Mesûd Barzanî bi boneya cejna sersala olî ya êzdiyan, Çarşema Serê Nîsanê, peyameke pîrozbahiyê belav kir.
Peyama pîrozbahiyê ya Serok Barzanî wiha ye:
Bi navê Xwedayê mezin û dilovan
Bi helkefta hatina cejna serê sala olî ya êzdî, germtirîn pîrozbahiyên xwe pêşkêşî xwişk û birayên êzdî dikim û hêvîdar im ev helkeft destpêkek be ji bo dawî hatina êş û azarên xûşk û birayên û êzdî û di aramî û aştiyê de cejn û helkeftên xwe bikin.
Di vir de ji bilî derbirîna dilgiraniyên xwe ya li çaresernebûna rewşa Şingalê û venegeriyana koçberan, ewe dûpat dikim ku bi tevahî palpiştiya maf û daxwaziyên xûşk û birayên êzdî me û daxwaz jî dikim yekrêziya navxweyiya biparêzin û rê nedin dengên bela vela û xerîb ziyanê bi nasname û maf û ol û paşeroja wan bigihîne û pêwîst dike hemû bi yekgirtî ve li ser maf û daxwazên xwe yên rewa pêdagir û mikur bin.
Bimînin di xêr û xweşiyê de
Mesûd Barzanî