Li gor nûçeya K24ê parlemanterê PDKê li Parlemantoya Iraqê Beşar Kîkî ragihand, ew agahdarî hûrgiliyên plana vegera Pêşmerge bo navçeyên Kurdistanî ne û di vê mehê de Pêşmerge vedigerin û destpêkê Pêşmerge vedigerin Kerkûkê û piştre navçeyên din.
Da zanîn jî, Amerîka û aliyên navdewletî rijd in li ser vegera Pêşmerge bo wan navçeyan, ji ber ku ew Pêşmerge wek hêzeke aştiyê dibînin û dizanin ku her cihek di destê Pêşmerge de be, parastî ye.
Ji aliyê xwe ve, parlemanterê berê yê PDKê li Parlemantoya Iraqê Şaxwan Ebdula aşkere kir, berpirên Amerîkî ligel pêkhateyên Kerkûkê civiyan û di civînê de Amerîkiyan behsa pêwîstiya vegera Pêşmerge bo Kerkûkê û derdora wê kirin.