Pêroyê dinya de hûmara kesê ke bi virus kewtê 69 milyon vîyart

Pêroyê dinya de hûmara kesê ke bi virus kewtê 69 milyon vîyart. Gorê malûmatê Unîversîteya Johns Hopkinsî, virusê Korona kewto ganê 69,354,040 kesan.

Vîrusê Korona tewr zêde Amerîka de vila bîyo û tena Amerîka virus kewto ganê 15,5 milyonan kesan. Amerîka ra dim bi 9,7 milyon nêweşan Hîndistan yeno dima ra zî bi 6,7 milyon nêweşan Brezîlya yena.

Rîyê vîrusê Korona ra, pêroyê dinya de 1,577,875 tenî merdî. Amerîka bi 291,307 merdeyanê vîrusê Korona, pêroyê dinya de yewin a û Amerîka ra dima bi 178,995 merdeyan Brezîlya yena.