Wezaretîya Pawitişî ya Pentagonî aşkere kerd ke, pêkerdişê hêrama asayîşine yo ke Tirkîya dir bîyo do game bi game bêro ca.
Vervatoxanê Wezîrîya Pawitişî ra Sean Robertsono ke AFP’yî rê qisey kerd va, ma Tirkîya dir semedê ronayîşê merkezê operasyonî yê şirîkî qisey kenê.
Robertsonî vat: ‘’ Pêkerdişê hêrama asayişine yo ke bi Tirkîya amo kerdene do game bi game bero ca. Mabênê Amerîka û Tirkîya dir têkilî dewam kena. Ma semedê dest pêkerdişê tay faalîyetan hadre yê.
Pêkerdiş hewteyo ravêrte mabênê Enqere û Washîngtonî de ame viraştene. Dimayê pêvînayişanê eskeranê berpirsîyaran ê her di dewletan çarçeweya herêma biasayîşe de qerarê ronayîşê merkezê operasyonî yê şirîkî amebi girewtene. Fermandaro verên ê Amerîka yê Sûrîye Joseph Votel vera naye reaksîyon nişan da û va, ganî kontrolê herême nêdîyo Anqara û no semedê heme hetan problem o.