Partîya Demokrata Kurdistanî (PDK) ra Vîyan Sebrî vano: Semedo ke ma hukmatê Iraqî dir meseleyanê xo safî bike, gere ma mîyanê Parlemetoyê Iraqî de koalîsyonê Kurdistanî ronê.
Serekwekîlê Partîya Demokrata Kurdistanî (PDK) Vîyan Sebrî, partîyê Kurdan ê ke Parlementoyê Iraqî de ca gênê ra waşt wa mîyanê xo de koalîsonêk ronê û pîya xebate bikê.
Serekwekîlê Partîya Demokrata Kurdistanî (PDK) Vîyan Sebrî wina va: Mabênê Baxdad û Erbîlî de problemi estê, semedo ke wa nê problemi safî bibê gere mîyanê partîyanê Kurdan de koalîsyonêk bêro ronayîş. Nika 58 parlementerî mîyanê Parlementoyê Iraqî de ca gênê. Eke nê parlementerî pîya bê û vateyê înan yew bo o wext eşkenê seba şarê ma xebate bikê.