Rojhilatê Kurdistanî de 2 kolberê kurd hetê pasdaranê Îranî ra amê kiştene.
Rojhilatê Kurdistanî de 2 kolberê kurd hetê pasdaranê Îranî ra amê kiştene. 2 qeçaxçî dorûverê herêma Hewramanî de amê kiştene.
Teşkîlatê Heqanê Merdiman yê Hengawî derheqê kişyayaîşê kolberan de beyanat da û wina va: Şewa bîne pasdaranê Îranî Zozanê Nelkemînîyo ke nêzdîyê mintiqaya Hewramanî yo, uca de bi guleyan eşt qeçaxçîyan ser o.
Goro ke vajîya hêrişê pasdaran de kolberek ame kiştiş û yew zî birîndar bi. Qaçaxçîyo ke ame kiştiş nameyê ey Goran Ezîzzade (25 serre) yo û şarê dewa Hane Germele ra yo. Nameyê qaçaxçîyo bîn ke nika nêweşxane de tedawî vîneno zî Esîr Şahpesendî yo.
Heto bîn ra mintiqaya Hewramanî de zî komêk kolber rastê hêrişê pasdaran amey. Hêrişê pasdaranê Îranî de yew qeçaxçî ame kiştene. Namê kolbero ke ameyo kiştene nêame aşkerakerdene. Yewna kolberî bi namê Mihemed Awaze zî birîndar bi.