Bajarê Rojhilatê Kurdistanî Serdeşt de pasdaranê Îranî onca kolberanê Kurdan rê hêriş kerd û netîceyê hêrişî de kolberêk ame kiştiş, xeylê kolberî zî birîndar ê.
Ewro sere siba pasdaranê Îranî wîlayetê Rojhilatê Kurdistanî Serdeşt de yewna kolbero Kurd qetil kerd.
Goro ke vajîya, pasdaran herêma Dolebî de pê tifingan eşt kolberan ser.
Gorê malumatê Hengawî, netîceyê hêrişî de kolberêk bi namê Biryac Îbrahîmzade ameyo kiştene. Heta nika nasnameyê kolberanê birîndaran nêame zanayene.
Vajîya ke, birayê no kolbero ke ewro ameyo kiştiş, Nasir Îbrahîmzade zî par eynî ca de ameyo kiştiş.