Roja ziwanê dayîke de, ma mucadeleyê heqê perwerdeyê bi ziwanê dayîke yê Kurdkî û fermîbîyayîşê Kurdkî berz bikerê!
Partîya Welatperwerêzanê Kurdîstanî (PWK), 21.02.2026î de Teşkîlatê Şaristanê Amedî yê PWKyî de Roja Ziwanê Dayîke ya Mîyanneteweyî pîroz kerde. Teberê endamanê PWKyî de, temsîlkarê dezgehanê cimatê sîvîlî (STK), sîyasetmedar û rewşenbîrê Kurdî zî beşdarê pîrozkerdişî bîyî.
Çalakîya ke moderatorîya ci Varvatoxê Çapemenîye yê PWKyî Hanîfî Tûranî kerdêne, seba yadkerdişê şehîdanê Kurdîstanî bi rêzgirewtişî dest pêkerde.
Dima ke Hanîfî Tûranî derheqê armancê çalakîye de qiseykerdişêko kilm kerd, Hetkarê Serekê Pêroyî yê PWKyî Mehmet Can Azbayî, eşkerayîya ke PWKyî seba Roja Ziwanê Dayîke ya Mîyanneteweyî amade kerdbî wende û derheqê mana û muhîmîya ewroyî de yew semîner da.
Beşdaranê çalakîye zî derheqê babete de fîkr û vînayîşê xo ardî ziwan.
Metnê eşkerayîya PWKyî ya derheqê Roja Ziwanê Dayîke ya Mîyanneteweyî de wina yo:
Ma roja ziwanê dayîke de têkoşînê heqê perwerdeyê bi ziwanê dayikê yê Kurdkî û fermîbîyayîşê Kurdkî berz bikerê!
Roja 21ê Sibate pêroyê dinya de hetê UNESCOyî ra sey ‘’Roja Ziwanê Dayîke ya Mîyanneteweyî’’ ameya qebûlkerdiş.
Dinya de tu ziwan qasê ziwanê kurdî (kurmancî û zazakî/kirdkî) raştê zilm, neheqî û polîtîkaya asîmîlasyonî nêameyo.
Bakurê Kurdistanî û Tirkîya de, her çiqas pa heme astengîyan dersa weçînite ya kurdî esta zî, warê perwerdeyî û weşangerîya telewîzyonî detay gamê hewlî ameyê eştiş zî; Çi heyf ke hema zî bi resmî Qanûnê Bingehînî û yasayanê eleqedaran de, Parlamentoya Tirkîya de, ziwanê kurdî çîne yeno hesipnayîş. Hema zî ziwanê Kurdî ziwano resmî nîyo. Hema zî perwerdeyê bi ziwanê Kurdî nêameyo qebûlkerdiş.
Bi siyaseta Dewleta Tirkîya yê bi desan serran, milyonan kurdî Bakurê Kurdistanî û Tirkîya de nêeşkenê û nêzanê pê ziwanê dayîka xo qalî bikê. Na trajedî û travmayêka pîl a; ê ke bîyê sebebê ney, faîlê sûcê însanetî yê.
Ganî heme kurdê Bakurê Kurdistanî û Tirkîya warê qalîkerdiş, musayîşê kurdî de de mernameyanê taybeyan bîyarê ca.
Ganî keyeyê kurdan semedê gedeyanê xo dersa weçîniye ya kurdî weçînê.
Ganî ma qalîkerdiş, musayîş û qalîkerdişê ziwanê kurdî sey prensîbêko esasî cuyayîşê xo de bîyare ca.
Ganî, heme partîyê sîyasî, dezgehê sivîl, TV, radyo û rojnameyê kurdan; heme sîyasetmedar, roşinvîr û hunermendê kurdî Kurdî bikê ziwanê xo yê esasî yê sîyasetî, nuştişî, çalakîyê dezgeyanê xo û roşinvîrî û hunerî.
Ganî heme şaredarî, weqif, dezgeyê sivîlî û karsazî, dibistan û kursê taybetî yê ke perwerdeyîya kurdî danê akerê.
Roja Ziwanê Dayîke wa biba destpêkê destvistişê heqê perwerdeyîya bi ziwanê Kurdî û wa ziwanê Kurdkî bibo ziwanê resmî.
Roja 21ê Sibate û her roj, her Kurdêk ganî bi ziwanê dayîka xo qalî biko.
21ê Sibate wa bibo destpêkê musayîşê ziwanê Kurdî.
21ê Sibate Roja Ziwanê Dayîke Fîraz Bo
Ziwanê Ma Estbîyayîşê Ma Yo!
Ma Kurdî Bimuse!
21.02.2026
Buroya Çapemenî ya Partîya Welatparêzanê Kurdistanî (PWK)