Partiya Saadetê, rêveberiya şaxê yê Stenbolê eşkere kir. Derket holê ku di Rêveberiya Partiya Saadetê ya Bajarê Stenbolê de li gel Encûmena Jinan hemû serokên rêveberiyê zilam in.
Şaxê Stenbolê yê Partiya Saadetê li ser hesabê xwe yê twitterê rêveberiya xwe ya nû eşkere kir.
Derket holê ku di Serokatiya Dîwanê ya Şaxê Stenbolê yê Partiya Saadetê de, ti berpirseke jin nîne û ji bo Encûmena Jinan jî zilamek wek berpirs hate destnîşankirin.
Di twita Şaxê Stenbolê yê Partiya Saadetê belav kirî de wiha hate nivîsandin: “Serokatiya Dîwana me ya nû hate erkdarkirin, li partiya me û li Stanbolê pîroz be. Ji bo Stenboleke mirov bikare lê bijî`; em dê destê hev bigirin, bi bawerî, eşq û xîret...”