Merkezê Xeberan- Parlementeranê Parlementoyê Ewropa (PE) operasyona eskerî ya Tirkîya ke Rojavayê Kurdistanî rê bîya şermezar kerd û waşt wa artêşa Tirkîya eskeranê xo derxal peyser bianca.
Parlementoyê Ewropa îzeh kerd ke, operasyona Tirkîya gorê pêameyîşanê mîyannetewî nîya û Tirkîya huzur û îstîqrarê Sûrîye tehdîd kena.
Goreyê Xebera Euronewsî; Destpêkê operasyona Tirkîya ra nata xeylê sîvîlî amê kiştene û tewr kêmî 300 hezar sîvîlî bîyê koçber.
Parlementeranê Parlementoyê Ewropa waştî wa herêma asayîşine binê kontrolê Miletê Yewbîyayî de bo.