Roja kombîyayîşê parlementoyê Kurdistanî ya qebûlkerdişê kabîneya newî ya hukmatî amey kifşkerdiş.
Goro ke vajîya, prosesê kabîneya newî ya hukmatî roja çarşeme (10ê na aşme) qedîyeno û lîsteteya kabîne telîmê parlementoyê Kurdistanî beno.
Sereka parlementoyê Kurdistanî Vala Ferîde zî ewro veng da heme endamanê parlemento û waşt wa roja çarşeme saete 11:00 de bêrê parlemento.
Heto bîn ra verfekê Parlementoya Demokrata Kurdistanî (PDK) Mehmûd Mihmemedî zî beyanat da çapamenî û va: Roja çarşeme kabîneya newî yena ronayîş. Ma qayîlê wa heme hetê sîyasî a roje parlemento de ca bigîrê.