Parlementoya Awrûpayê bertekê li hemberê kiryarên Tirkiyê nîşan da û xwest Tirkiyê ji biryara vekirina perçeyekî ji Maraşa Kibrisê vegere, mijara Kibris li ser bingeha du federasyonan bê muzakerekirin û eger nebe, divê Yekîtiya Awrûpa dorpêçan deyne ser Tirkiyê.
Di dengdana Parlementoya Awrûpayê de biryarekî ku Tirkiye ne mecbûre bike hat dayîn ku ew jî li ser mijara Maraş û muzakereyên Kibrisê ye. Li ser mijara Maraşê weha hat ragihandin:
“Vekirina perçeyekî ji herêma Maraşê kiryareka Tirkiyê ya ne rewa û qanûniye. Divê biryar betal bibe û herêm dewrî xelkê ku di wê wextê de li Maraşê bûn, bêkirin û demografiya herêmê neguhire.”
Bi biryara Parlementoya Awrûpayê tenê niyeteka paqij, li gor pêdiviya hûqûqa navdewletî bi diyalog bê çareserkirin, bi dîplomasiyê û muzakereyan mijar bê çareserkirin û eger çareser bibe, wê bo fêdeya temamê welatên herêmê be.
Eger xalên li jorê nên çareserkirin, ji Yekîtiya Awrûpayê hat xwestin ku dorpêçan deynin ser Tirkiyê.