Parlementoyê Belçîka qirkerdişê êzidîyan o ke serra 2014î de hetê çeteyanê DAÎŞî ra ame kerdene, qebul kerd. Vernîyaz bi yewîya reyan ame tesdîqkerdene.
Menga hezîrane de Komîsyonê Têkilîyanê Teberî yê Parlamentoyê Belçîka vernîyazê şinasnayîşê Qirkerdişê Êzidîyan qebul kerdbi. Parlemantoyê Belçîka zî vernîyaz tesdîq kerd. Vernîyaz 14ê temmuze de kewt rojdemê Meclîsê Temsîlkaran ê Belçîka. Nîqaşan ra dima şewa 15ê temmuze rayî dîyay vernîyazî.
Vernîyaz rayberîya Wekîl Georges Dallemagneyî de hetê Koen Metsu, François De Smet, Malik Ben Achour, Michel De Maegd et Samuel Cogolati, Mmes Els Van Hoof, Goedele Liekens et Vicky Reynaert û Wouter De Vriendtî ra ame pêşkêşkerdene.
Vernîyaz de nê çîyî ameyî vatiş: ''Serra 2014î ra nata DAÎŞî sere de vera êzidîyan vera asûrî, sûryanî, keldanî, şebek, timen, kurd, elewî, misilmanê sûnî kerdî hedef. Nê hêrişan de bi taybetî êzidîyî ameyî hedefkerdene, maruzê tedaya sîstematîke mendî, ameyî rotiş, kolekerdiş, vêşnayiş, misilmankerdiş. Baxçe û warê zîretî yê êzidîyan ameyî talankerdiş û vêşnayiş.''