Ji bo 42emîn salvegera koça dawî ya Barzaniyê nemir, Li Parlamentoya Kurdistanê, merasîmeke hat lidarxistin û tacegula Serokatiya Parlamentoyê û hemû fraksiyonan li pêş wêneyê Barzaniyê nemir hat danîn.
Îro 42 sal ji ser koça dawî yê rêberê bizava rizgarîxwaziya gelê Kurd re derbas bû û di vê salvegerê de jî Parlamentoya Kurdistanê merasîmeke bibîranînê li dar xist. Di merasîmê de, ji bo rêzgirtina li xebata dehan salan a Barzanî ya ji bo serwerî û azadiya gelê xwe tacegulên hemû fraksiyonan û Serokatiya Parlamentoya Kurdistanê, li pêş wêneyê Barzaniyê nemir hate danîn.
Cîgirê Serokê Parlamentoya Kurdistanê Hêmin Hewramî ji çapemeniyê re diyar kir, Barzaniyê nemir, mulkê hemû xelkê Kurdistanê ye û rêveberê demdirêj ê şoreş û bizava rizgarîxwaziya Kurdan kiriye. Ji ber wê, bi beşdariya hemû fraksiyonên li Parlamentoya Kurdistanê ve, wek sembola netewî û niştimanî hate bibîranîn.
Rêberê bizava rizgarîxwaziya gelê Kurd Barzaniyê nemir, roja 14.03.1903ê li Barzanê ji dayik bû û rêveberiya bizava rizgarîxwaziya gelê Kurd kir. Roja 01.03.1979ê li Amerîkayê koça dawî kir.