Parlamentoya Belçîkayê, komkujiya Kurdên Êzîdî bi fermî weke jenosîd nas kir û ji hikûmeta welatê xwe daxwaz kir ku alîkariya vegera Kurdên Êzîdî ji bo cih û warên wan bike.
Parlamentoya Belçîkayê, do Pêncşemê ji bo pesendkirina projeyasaya naskirina jenosîda Kurdên Êzîdî civiya û bi piraniya dengên Parlamenteran, komkujiya Kurdên Êzîdî weke jenosîd hat qebûlkirin.
Herwiha Parlamento ji hikûmeta Belçîkayê daxwaz dike; alîkariya Êzidiyan were kirin, da ku vegerin cih û warên xwe.
Parlamentoyê da zanîn ku divê alîkariya wan kesan were kirin ku rûbirûyî tundiyê bûne û dibêje: “Nabe ti tawanbarek rizgar bibe, bi taybetî li Iraq û Sûriyê.”
Herwiha parlamento daxwaza cîbicîkirina rêkeftina Şengalê dike.