Parlamenterê Partiya Parêzgaran (Conservative Party) a Brîtanyayê di encama êrişeke bi kêran de jiyana xwe ji dest da.
Parlamenterê Partiya Parêzgaran a Brîtanyayê David Amess di dema li gel çend berpirsên xwecihî yên şaredariyê li Dêra Belfairs Methodist a başûr rojhilatê wî welatî, di civîna heftane de, rastî êrişeke bi kêran hat û birîndar bû, lê tevî hewldanên pizîşkî jî ji mirinê nehat rizgarkirin.
David Amess 69 salî bû û ji sala 1997an ve parlamenterê Partiya Parêzgaran bû ku partiya Serokwezîrê Brîtanyayê Boris Johnson e.
Heta niha nasnameya kesê êrişkar nehatiye belavkirin û sedema êrişê nehatiye belavkirin, lê li gor zanyariyên polîs, kesê êrişkar 25 salî ye.
Ev ne cara yekem e ku li Brîtanyayê parlamenter rastî êrişê tên, Hezîrana 2016an jî parlamenter Jo Cox di êrişekê de jiyana xwe ji dest dabû.