Merkezê Xeberan- Parlamenteranê Îtalya yê Koma Sosyal-Demokrate ya Parlamentoyê Ewropa verba îşxalkarîya dewleta Tirkîya fotografê sîyasetmedara Kurde Hevrîn Xelefe berz kerdî. Xelefe operasyona Tirkîya de ameybî qetilkerdene.
Parlamenteranê Îtalya yê Koma Sosyal-Demokrate ya Parlamentoyê Ewropa verba îşxalkarîya dewleta Tirkîya fotografê sîyasetmedara Kurde Hevrîn Xelefe berz kerdî.
Parlamenteranê Îtalya yê Koma Sosyal-Demokrate (SD) seba ke îşxalkarîya dewleta Tirkîya şermezar bikê bi hewayêkê komkî fotografê xo ant.
Parlamenter Massîmîlîano Smerîglîo Facebook de fotografê çalakîye weşan kerdî û vat, "Ser nameyê delegasyonê Îtalya yê SD'yî seba ke Yewîya Ewropa verba şero gemarin ê Erdoganî yê serê Vakur û Rojakewtena Sûrîye paşt bidê şarê Kurdî û Rojava û dest bierze rewşe, ma fotografêkê Hevrîn Xelefe pêşkêş kerd."