Parka Koşuyolu ke Dîyarbekir de ca gêna 11 rojîyo ke hetê polîsan ra ameya qefilnayîş.
Xeylê wexto ke Dayîkê ke qijê înan hepisxaneyan de greva vêşanî de yê her roj yenê verê Parka Koşuyolu.
Dayîkê ke bi namê Dayîkê Laçiksipî zanîyenê kenê ke mîyanê parke de nobete bigîrê.
La polîsî her roj bi cop û awa tazikîne hucumê dayîkan kenê û nêverdene wa dayîkî şêrê mîyanê perke.
Heta nika zaf dayikî dorûverê Parka Koşuyolu de hetê polîsan ra amê derbkerdiş. Naye ser Parka Koşuyolu şarê Diyarbekirî rê amey padayîş. Şaro ke wazeno şoro mîyanê parke zî rastê astengîya polîsan yeno. Şarê Dîyarbekirî no xusus de fikrê zo beyan kerd û waşt wa Parka Koşuyolu newe ra bêra akerdiş.
Heto bîn ra Dayikê Laçiksipî ewro zî amê verê Parka Koşuyolu û waştê bikewê mîyanê parke. La polîsan sey her wextî dayîkan rê bi copan mudaxele kerd. Mudaxeleyê polîsan de munaqeşe vejîya û xeylê dayîkî hetê polîsan ra amê derbkerdene.
KIRDKÎ ( ZAZAKÎ) Haberleri
Partîya Welatparêzanê Kurdîstanî (PWK) Amed de Roja Ziwanê Dayîke Pîroz Kerde
PWK: Aşma Remazanî heme misilmananê Kurdistanî û dinya rê pîroz bo
PCS, PDK-BAKUR, PÊLKURD, PSK, PWK û Şexsîyetê Xoserî: Hereketa Netewî ya 1925î, beyanê îradeyê netewê Kurd a
Amed de, Meydanê Şêx Seîdî de Yadkerdişê Hereketê Mîllî yê 1925î
Mustafa Ozçelîk: Ma dersa weçînayeyî ya Kurdkî; seba musayîş, fermîbîyayîş û perwerdeyê bi ziwanê Kurdkî bikerê gamêk