”Bi xêr hatin Kurdistanê”
Hatina Papa ya Kurdistanê, ne tenê li Kurdistana federe herweha li hemû perçeyên Kurdistanê û li diasporayê bi kêfxweşî û dilşadî hate pêşwazî kirin.
Seroka PAK-Ewropa Seval Mert bi peyamekê xêrhatina Papa ya Kurdistanê dike û dibêje ”Papayê mezin, Xelkê kurd bi salane bûne qurbanên terora xedar. Moralake mezin dide vî miletî gava hûn guhdarîya êş û kûlên wan dikin. Ew terora ku miletê kurd pê re rû bi rû mane, ezîyet kişandine dê ev serdana we ji wan re bibe piştevanîyeke derûnî”.
Em mesaja Seroka Piştgirên Partîya Azadîya Kurdistanê li Ewropa li jêr didin.
Hêja Serpîskoposê Romaya Katolîk,
Papayê berz û evdê evdên Xwedayî, Franciskus!
Em Kurdên dîasporaya pir kêfxweş û gelek razîne ku serokê Dêra Katolîk, cenabê we ku, wekî Papayê gel û Papayê belengazan têne binavkirin, wê serdana Kurdistanê bike û bi serokên wî welatî re bicive.
Papayê mezin, Xelkê kurd bi salane bûne qurbanên terora xedar. Moralake mezin dide vî miletî gava hûn guhdarîya êş û kûlên wan dikin. Ew terora ku miletê kurd pê re rû bi rû mane, ezîyet kişandine dê ev serdana we ji wan re bibe piştevanîyeke derûnî.
Em kurdên li Ewrûpa dijîn dixwazin spasdariya xwe ji bo vî serdana cenabê we ya ku li Kurdistanê bû dikin û em dixwazin bi vê mesajê diyar bikin û bêjin hûn bi xêr hatin Kurdistanê!
Seval Mert
Seroka PAK-Ewropa
Piştgirên Partiya Azadiya Kurdistanê li Ewropa