Sereko rûhanî yê katolîkan Papa Francaisî şaristanê Hewlêrî yê Başûrê Kurdîstanî de tewrê ayînêkî bi û vat: ''Ez zerrî ra kurdan selam kena.''
Sereko rûhanî yê katolîkan Papa Francaisî şaristanê Hewlêrî yê Başûrê Kurdîstanî de tewrê ayînê Stadyumê Franso Harîrî bi. Tewr tay 11 hezar kesî tewrê ayînî bîyî.
Serekê Herêma Kurdîstanî Nêçirvan Barzanî, Serekwezîr Mesrûr Barzanî û Hetkarê Serekwezîr Kubad Talabanî zî tewrê ayînî bîyî.
Papayî ayîn de beyan kerd ke Iraq de her kes de birînê şerî estê û vat: ''Mesîh zî Iraq de ciwîya. Seba ke ma zerrîya xo pakî bikerê ganî ma destê xo gemarin mekerê. Ma do senî zerrîya xo pakî bikerê? Ma bi sereyê xo nêeşkenê ney bikerê, ma hewceyê ê bînan ê.''
Papayî vat: ''Ez kurdan zerrî ra selam kena. Nika ez agêrena Roma la tîya tim do zerrîya mi de bibo.''
Papa ewro şi Vatîkan.