Ame zanayîş ke rayberê Katolîkan yê ruhanî Papa Franciscus do Sibata 2020î de dest bi geyrayîşê xo yê Rojhelatê Mîyanênî bikero û bajarê Kurdan Hewlêr zî ziyaret bikero.
Welatê ke rayberê Katolîkan yê ruhanî Papa Franciscus do serra 2020 de ziyaret bikero amey eşkerakerdiş.
Menganê destpêkê serre de Papa do şêro paytextê Iraqî Bexda û dima ra zî bajarê Necefî ke zafaneyê xo Şîa yê bi rayberê Şîa yê dînî Ayetûllah Alî Sîstanîyî dir pêvînayîş bikero. Goreyê ajansê xeberan ê Katolîk Kathpressî, geyrê Iraqî de do Papa şêro Herêma Kurdistan.
Ame zanayîş ke, Papa do Hewlêr de hem îdarekaranê herême dir û hem zî bi temsîlkaranê kemîhûmaran ê Xirîstîyanan ê herême dir pêvînayîş bikero.