PAK(Partîya Azadîya Kurdistanî:
16ê Teşrîna Verêne ya 2017î ra pey Kerkûk newe ra ame ame îşgalkerdene, roja 20ê Teşrîna Verêne Heşdî Şahbî Pirdê rê hêriş kerd û waşt uca ra şêro Hewlêr û uca zî îşgal biko, waşt peynîya Sîstemê Federalî bîyaro. La fermandar û pêşmergeyê qehremanî bi xoverrodayîşêko bir rûmet, no hêriş şikna.
Xoverrodayîşê Pirdê yê 20ê teşrîna 2017î tarîxê Kurdistanî de estbîyayîşêko tarîxî yo. Xoverodayîşê Pirdê, wayîr vejyayîşê qezencanê federe yê Başûrê Kurdistanî bi, wayîr vejyayîşê sibarojê şarê Kurdistanî û îradeyê referandûmê xoserîye bi.
Îşgalkerdişê Kerkûkî ra dima, çi heyf ke babeta madeyê 140î pêro, yan zî %45ê erdê Başûrê Kurdistanî reyna mae îşgalkerdene. La Heşdî Şahbî, Artêşa Iraqî û destegdarê înan, qîmê xo nêard û bi hêrîşê Pirdê, Sihêla û Zûmarê waştê Hewlêrî ra heta Zaxo Kurdistanî îşgal bikerê û heme qezencê federalî orte ra çine bikê. La na plana îşgalkeran bi Xoverodayîşê pêşmergeyanê qehremanan ame pîç kerdene.
Xoverodayîşê Pirdê heme plan û stratejîyê dişmenenaê Kurdistanî yê ke wazenê îradeyê referandûmî û heme qezencanê Herêma Kurdistanî çine bikerê têk berd.
Xoverodayîşê Pirdê ra dima, di kilîdên pîlî kewtî destê şarê ma yê Başûrê Kurdistanî dest.
Kilîdo yewin %93yê ‘’belê’’ yê referandûmê xoserîye yo.
Kilîdo diyîn, êdî dewletê dinya vînayê ke gere bê destûrê federalî yê Iraqî û qezencanê Herêma Kurdistanî yê federalî tu rayêko bîn nêmendo. Dewletê dinya bê şik gere bibê garantorê vê destûrê federalî. No zî kilîdêko xurt dano destê şarê ma yê Başûrê Kurdistanî.
Serrgêra Xoverodayîşê Pirdê ya hîrêyîne de, ma heme fermandar û pêşmergeyanê qehremanan yê Başûr û yê Rojhilatê Kurdistanî, yê ke nê xoverodayîşî de ca girwetê ca girewtê reyna pîroz kenê. Şehîdanê xo zî ma bi hurmetyad kenê.
Ma serrgêra Xoverodayîşê Pirdê ya hîrêyîne de, venga heme partîyanê Başûrê Kurdistanî danê ke bingehê hişmendîyêka netewî û niştimanî ser o, qezencanê federalî yê Herêma Kurdistanî û îradeyê referandûmê xoserîye rê wayîr vejîyê.
Ma venga Amerîka, Brîtanya, Rûsya, Fransa û heme dewletanê dinya danê ke, semedê caardişê destûrê federalî û pawitişê qezencanê Herêma Kurdistanî rolê xo kay bikê û hurmet nîşanê îradeyê meşrû û demokratîk yê şarê Kurdistanî bidê.
20.10.2020
Buroya Çapemenî û Tekilîye yê PAKî