Rayber û endamê PAKî yê Amedî û Sêweregî, roja 30.12.2021î bi minasebetê serrgêra wefatê Îzzet Kandemîrî ya yewine, Sêwereg de, ser mezelê ey de vîyardişêk tertîp kerd. Keyeyê Îzzet Kandemîrî û Sîverek Lîselîler Grûbû zî beşdarê yadkerdişî bîyî.
Vervatoxê PAKî Hanîfî Tûranî, ser mezelê Îzzet Kandemîrî de derheqê cuyayîş û têkoşînê Îzzet Kandemîrî de qiseykerdişêk kerd. Badê êyê ke ser mezeli de bîy fatîhayêk wend.
PAKî û Sîverek Lîselîler Grûbû çeleng ard ser mezelê Îzzet Kandemîrî .
Badê cû rayber û endamê PAKî mezelê welatperwerê Kurd Faîk Bûcakî, Necmettîn Buyukkayayî, Ferît Ûzûnî û Ekrem Karahanî zî ziyaret kerdî. Ser mezelanê înan de fatîha wend.
Endam û kadroyêkê esasî yê partîya ma PAKî, hevalê ma yo ercîye, kedkarê dilsoz ê dewaya azadîya Kurdistanî, welatperwerê Kurd kek Îzzet Kandemîr, roja 30.12.2020î rîyê nêweşîya xo ya qansêrî mîyanê ma ra koç kerd..
Kek Îzzet Kandemîr 50 serre ra zêder kedkar ,têkoşêr û xebatkarê dewaya azadîya Kurdistanî bi.
30.12.2021
Buroya Çapemenî û Têkilîye ya PAKî