PAKî roja 14.01.2022 Amed de KKP (Partîya Komunîst a Kurdistanî) ziyaret kerd.
Heyeta PAKî de hetkarê Serekê Pêroyî yê PAKî Nûrûllah Tîmur, Vahît Aba, Vervatoxê PAKî Hanîfî Tûran, endamê Meclîsa Partîye ya PAKî Abdûllah Polat û îdarekarê PAKî Şeref Yalçın û Îsmaîl Edîş ca girewtî.
Serekê Pêroyî yê KKPyî Sînan Çîftyurek û endamê Komîteya Rayberîye ya KKPyî, Parlamenterê HDPyî yê Ruha Nûsrettîn Maçîn ameyî heyeta PAKî vera.
Heyeta PAKî derheqê dersa weçînayî ya ziwanê kurdkî, kampnayaya semedê ziwanê kurdkî ya ke wazîyeno wa ziwanê kurdkî bibo ziwano fermî û perwerdeyî, waştişê acîlî yê miletê Kurd, rewşa Kurdistanî û Tirkîyeya û hemkarî û îtifaqê neteweyî de fikir û rîyîr û pêşnîyazê xo ard ziwan.
Heyeta KKPyî zî derheqê ê meseleyê ke heyeta PAKî ard ziwan de, fikir û rayîr û pêşniyarê xo îfade kerd.
Pêvînayîşê mabênê heyetanê PAK û KKPyî atmosferêko dostane û berhemdar de vîyart. Her di hetan zî eleqe ant muhîmîya pêvînayîşî û waştişê dewamîya pêvînayîşan kerd.
14.01.2022
Buroya Çapemenî û Têkilîye ya PAKî