PAKî Amed de xeylî cadeyanê qezayanê Yenîşehîr û Kayapinarî de pankartî aliqnayî keyeyan ra waşt wa semedê tutanê xo dersa kurdkî biweçînê.
PAKî roja 17.01.2022î de şaredarîyanê qezayanê Yenîşehîr û Kayapinarî yê Amedî rê muracat kerdbi û destûrê aliqnayîşê pankartan waştbi. La her di şaredarîyan zî destûr nêda ke PAK ê pankartan bialiqno.
Bado ke PAKî beyanatêk vila kerd û raya pêroyî derheqê muameleyê her di şaredarîyan de agahdar kerd; Endamê Komîteya Rayberîye yê Merkezê AK Partî Birêz Abdurrahman Kurtî, Walîyê Amedî û Serekşaredaranê her di şaredarîyan reyde pêvînayîş kerd.
Badê pêvînayîşan Birêz Abdurrahman Kurt, rayberê Şaredarîyê Yenîşehîr û Kayapinarî û rayberê PAKî gera û va ‘’Na meseleya de xeletîyêka dîyalogî esta. Şima eşkenê pankartanê xo bialiqnê’’.
Nê vatişan ser o îdarekarê her di şaredarîyan destur day ke PAK roja 21.01.2022 de, zaf cadeyanê qezayanê Yenîşehîr û Kayapinarî de pankartî aliqnay û keyeyan ra waşt wa semedê tutanê xo dersa kurdkî biweçînê.
21.01.2022
Buroya Çapemenî û Têkilîye ya PAKî