PAKê di 25emîn salvegera şehîdbûna Parlamenterê DEPê Mehmet Sincar û Rêveberê DEPê Metin Özdemir wan li Batmanê bi bîr anî.
Rêxistina PAKê ya Batmanê çû ser mezelên Şehîd Metin Özdemir. Ji bo Metin Özdemir û Mehmet Sincarî dua hatin xwendin û rêz hate girtin. Bêşdarên heyetê hestên xwe anîn ziman û gotin:
Hûn şehîdên Kurdistanê ne û ji bo ev zilma mezin ku li we bûye Xwedê heqqê we nehêlê û hûn her di dilê me de dijîn.
Serokê Şaxa Batmanê yê PAKê û birayê Metin Özdemir, Aziz Özdemirî wiha axivî:
''Mehmet Sincar û Metin Özdemir şehîdên Kurdistanê ne, ew dildarên Kurdistanê bûn. Ew sozdarên azadiya Kurdistanê bûn. Ew ê wek hemû şehîdên Kurdistanê di doza me de û di dilê me de tim bijîn. Em soz didin we ku heta welatê me azad nebe, heta ku em nebin xwedî dewleteke serbixwe bêwestan em ê tev bigerin''
Piştî xwendina duayan bîranîn bidawî bû.