Partîya Azadîya Kurdistanî (PAK) derheqê beratbîyayîşê kiştoxanê Kemal Kurkutî de beyanatêko nuştekî weşana û waşt wa semedê cakerdişê kiştoxanê Kemal Korkutî her kes bibo seferber.
Beyanatê PAKî de wîna ame vatiş:
Newroza 2017î de Amed de wendekarê zanîngehî Kemal Kurkut hetê polîsan ra amebi kiştene. Dewaya Kemal Kurkutî Mehkemeya Cezaya Girane ya 7ine ya Amedî de reya 12ine amey kerdene.
Heyetê mehkema derheqê polîsê kiştoxî de qerarê beratî da û qerar da ke ‘ Wa derheqê 72 polîsan de gerre bêro kerdene”
Ma ê kesê ke wazenê wa wa kiştoxê Kemal Korkutî bê ceza bimanê şermezar kenê.
Zanîyeno ke dewleta Tirkîya serranê 1990an de 17.000 merdimî bi nameyê ‘’faîlî nêkifşî’ qetil kerdî û kena ke, Kemal Korkutî bierza mîyanê lîsteya ‘’faîlê nêkifşan’’mîyan.
Ronîyayîşê dewleta Tirkîya ra hetanî ewro, kiştoxanê hezaran kesan çi heyf ke muhakeme nêbîyê, no zî hêz dayo kiştoxanê bînan.
La semedo ke wa kiştoxê Kemal Korkutî o ke mîyanê roje de, verê çimanê her kesî de bi guleyanê polîsan ame kiştiş vejîyê orte, sere de Baroyî, êyê ke kişta heqê cuye, heqanê merdiman,edelet, demokrasî û azadî de ca gênê, gereke bibê seferber, no wazîfeyê înan o însanî yo.”
17.11. 2020
Buroya Çapemenî û Têkilîye ya PAKî