Merkezê Xeberan - Bi minasebetê 95in serrgêra destpêkê Hereketa Kurd a 1925î ya ke bi serekîya Şêx Seîd Efendî dest pêkerdbî, bi organîze kerdişê PAK û PSKyî Amed de roja 13.02.2020î Panelêk bi nameyê ‘’ 95 Serrîya Hereketa Şêx Seîdî ya 1925î’’ ame dayene.
Moderatorê panelî, roşnvîr, nuştox û şaîro Kurd Enwer Karahan bi.
Qiseykerdoxê panelî zî nuştoxo Kurd Amed Tîgrîs, Cigêrayoxo Kurd Kerem Serhedî
û Serekê Komeleya Şêx Seîdî Kasim Firat bî.
Panel Odeya Muhasebecî û Malî Muşawîran a Amedî de ame dayene.
Xeylî sîyasetmedarî, nuştoxî û roşnvîrê Kurdî beşdarî panelî bîyî.
Panel 3 beşan ra ame pê. Beşa yewine de Enver Karahanî şîîrêk derheqê Tevgera Şêx Seîdî de wend. Başa yewine û diyîne de panelîstan derheqê Hereketa Netewî ya Kurd a 1925î a ke bi serekîya Şêx Seîd Efendî de dest pêkerdbî de malumatî dayî û fikrê xo îfade kerdî.
Beşa hîrêyîne de zî mêmanê panelî fikrê xo îzah kerdî, persê xo pers kerdî û panelîstan zî cewab day înan.
Panel 2 saetî dewam kerd û otmosferêko weş de vîyart.