Rêzdar,
Seke yeno zanayîş miletê Kurd û şarê Kurdistanî demêkê xidarî ra vîyarenê. Şarê ma û welatê ma Kurdistan binê teda û dorpêçêkê zafhetî de yo. Seba qedînayîşê zordarîye û şikitişê zîncîra zilmî, awankerdişê tifaqêko hîra yo neteweyî û demokratîk sey wezîfeyêko tarîxî vernîya ma de vinderte yo. Seba caardişê karêko winasî, mesûlîyet milê her kesî sero yo.
Zanîyeno ke verî zî ma seba nê armancê xo kombîyayîşêk kerdbi û pîya fikir û bawerîya xo pêşkêşê yewbînî kerdbî.
No kombîyayîşo ke ma hadre kerdo de ma do meseleya tifakê neteweyî û demokratikî bi hawayeko zelal nîqaş bike. Ma pêşnîyaz kenî ke, nîqaşê ma wa esasê cêrînê ke kifş bîyê ser o bêrê kerdene.
1. Armancê Tifaqê Neteweyî
2. Şeklê Tifaqê Neteweyî
3. Seba awankerdişê Tifaqê Neteweyî xarîteyêka senî ûsb.
Seba nê kombîyayîşî beşdadîya şima do ma keyfweş biko.
Nika ra seba beşdarîya şima zaf ma sipas kenê.
Tarîx: 12.01.2020
Saete: 12 00-17 00
Ca: Otel Plaza/kişta Şaredarîya Girde/Amed
Partîya Sosyalîst a Kurdistanî (PSK)
Partîya Azadîya Kurdistanî (PAK)