Merkezê Xeberan- PAK û PSK ra Danîmarka de xebata dîplomasî… Heyetêka Partîya Sosyalîst a Kurdistanî (PSK) û Partîya Azadîya Kurdistanî (PAK) vizêr (25.11.2019) Parlamentoya Danîmarka de endamanê parlamento yê Partîya Sosyaldemokrate Lars Aslan Rasmussen dir pêvînayîş kerd.
Heyeta PSK û PAK rewşa peyîne ya Kurdistanî û dewayê padayîşî yê ke seba PSK û PAK hetê dewleta Tirkîya ra ameyê akerdiş ser o malumat da Lars Aslan Rasmussenî û ey ra waşt wa nê waştişê înan bîyaro rojeve.
Lars Aslan Rasmussenî zî bi germî şi heyeta PSK û PAKî vera û kêfweşîya xo îfade kerd. Larsî Aslan Rasmussenî zî îzeh kerd ke o do nêzdî ra rewşa kurdan û Kurdistanî teqîp biko û soz da ke dewaya padîyayîşê partîyanê Kurdistanî bero vernîya destê hukmatî û Yewîya Ewropa.
Kombîyayîşê mabênê Lars Aslan Rasmussen û heyeta PSK û PAKî ra dima Wezaretîya Teberî ya Danîmarka de zî kombîyayîşêk virazîya. Kombîyayîş mîyanê atmosferêko zaf weş de vîyart.
Heyeta PSK û PAK do ewro zî seba nê meseleyan Parlamentoyê Danîmarka de kombîyayîşêk tertip biko.